Бүгүн, 27-ноябрда «Зомбулукка каршы 16 күн» өнөктүгүнүн алкагында Кыргызстандагы парламентаризмди жана көз карандысыз сот бийлигин колдоо боюнча тегерек стол өттү.
Иш-чарага Жогорку Кеңештин вице-спикери Аида Касымалиева, депутаттар Айнуру Алтыбаева менен Махабат Мавлянова, жарандык коомдун өкүлдөрү, эксперттер катышты.
Уюштуруучу, Жогорку соттун Конституциялык палатасынын экс-судьясы Чынара Айдарбекованын айтымында, аял судьялар менен депутаттар чогулуп, судьялар карап жаткан мыйзамдардагы мүчүлүштүктөрдү талкуулашат.
«Аял-судьяларынын кыргыз ассоциациясы коомдук бирикмеси ушул долбоорду ишке ашырып жатабыз. Анда сот бийлиги менен Жогорку Кеңештин ортосундагы байланышты жакшыртуу каралган»,-деди Айдарбекова.