Сынга кабылган министр Бейшеналиев эми КММАнын ректорлугу кызматына көз артуудабы?

И.К. Ахунбаев атындагы Кыргыз мамлекеттик медициналык академиясынын ректорун шайлоо өтөт. Бул тууралуу окуу жайдын Facebook баракчасында маалымдалды.

Аталган кызматка төрт адам талапкерлигин коюуда:

• медицина илимдеринин доктору, профессор Зиябидин Айдаров,
• медицина илимдеринин доктору, профессор Индира Кудайбергенова,
• медицина илимдеринин доктору, профессор Эркин Алымбаев,
• медицина илимдеринин доктору, профессор Жолдошбек Шаршенбиев.

Добуш берүү 29-майда болот. Азыр университетти Индира Кудайбергенова жетектейт.

Буга чейин Саламаттыкты сактоо министри Алымкадыр Бейшеналиев Кыргыз мамлекеттик медициналык академиясында өтө турган ректордук шайлоону үзгүлтүккө учуратуу аракетин көрүп жатат деген маалыматты kaktus.media таратты.

Ал эми Академиянын кызматкерлеринин маалыматтарына ылайык, КММАнын шайлоосун үзгүлтүккө учуратуу максатта Саламаттыкты сактоо министрлигинин жана Билим берүү министрлигинин статс-катчыларын ротациялоо жүргүзүлгөн деп болжолдонууда.

«Билим берүү жана илим министрлигинин статс-катчысы Жапаркул Ташиев КММАны шайлоо уюштуруу комитетинин төрагасы. Ал Саламаттыкты сактоо министрлигинин статс-катчысы болуп дайындалган. Анын ордуна Саламаттык сактоо министрлигинин статс-катчысы Калысбек Шадыханов келип, шайлоону уюштуруу боюнча комитетин жетектеп жана шайлоону бузуу аракетин кылат. Шадыханов Бейшеналиевдин адамы, ал шайлоону бүгүн же эртең жокко чыгарат «, — деп билдиришти кызматкерлер.

Шадыханов КММАнын ректорун шайлоону токтотуу жөнүндө буйрук чыгарды, бирок буйрук эртеңки күн менен чыккан.

Ал эми Саламаттыкты сактоо министри Алымкадыр Бейшеналиев Kaktus.media агенттигине мамлекеттик катчылардын ротацияланышына эч кандай тиешеси жоктугун, анткени ал мындай ыйгарым укуктарга ээ эмес экенин айткан.

«Кимди дайындай алам? Эгерде менин статс-катчыларды дайындоо мүмкүнчүлүгүм болгондо кубанат элем. Саламаттыкты сактоо министрлигинин статс-катчысы кылып дарыгерди дайындамакмын, болбосо мугалимдер, куруучулар дайындалат, анан биз кыйналабыз. Алар министрлерге баш ийишпейт. Алардын директорлор кеңеши бар, ал өзү гана дайындайт, ал жакка эч ким кийлигише албайт, ал тургай президент аларды дайындай албайт. Статс-катчылар мени көзөмөлдөп, Саламаттыкты сактоо министрлигинин аппаратынын бардык иштерин аткарышат «, — дейт ал.

Ал эми Медициналык академиянын ректорун шайлоону үзгүлтүккө учуратуу каалоосу жок экенин айткан Бейшеналиев алар жөнүндө таптакыр ойлонбогонун кошумчалаган.

Белгилей кетсек, бүгүн ЖКнын жалпы жыйынында депутат Рыскелди Момбеков тарабынан Саламаттык сактоо министри Алымкадыр Бейшеналиевди кызматтан алуу керектигин айткан.

Ал министрдин кызматтан кетүүсүн дарыгерлер да айтып жатышканын белгилеген.

Депутаттар 28-апрелде Бейшеналиевге ишенбөөчүлүк көрсөтүп, ээлеген кызматынан бошотуу тууралуу сунушту ошол кездеги өкмөткө жиберген. Министр Жогорку Кеңештин аны иштен алуу тууралуу токтомун депутаттардын жакындарын кызматка койбогону үчүн өч алуу аракети катары баалаган.

Өткөн айда Алымкадыр Бейшеналиев брифинг өткөрүп, коронавируска каршы дарылоодо уу коргошун деп аталган чөптүн тамырын дарылыкка колдонуп жатканын айткан. Ал журналисттердин алдында бул чөптүн тундурмасын ичип, анын зыянсыз экенин билдирген. Министр тундурманы президент Садыр Жапаров экөө даярдап, дарыгерлерди чакырып, аларга дарылоону үйрөтүп жатканын кошумчалаган.