23-ноябрда Талас шаарындагы токойдо 16 жаштагы кыздын зордукталышы боюнча иликтөө иштери жүрүп жатат. Бул тууралуу Тurmush.kg басылмасы өздүк булактарынын маалыматына таянып жазды.
Маалыматка караганда, окуя түнкү саат 2:00 чамасында болгон. Кыз орто кесиптик билим берүү жайларынын биринде билим алып жүргөн. Кылмышка шектелип 20 жаштагы 2 жигит кармалды.
Талас ОИИБ басма сөз кызматы бул маалыматты тастыктап, иликтөө жүрүп жаткандыгын кабарлады. Окуя болгон жерге тергөө тобу барып, жабырлануучу 2003-жылы туулган кыз экендигин такташкан. Кылмышка шектелген 2 адам үй камагында кармалууда. Учурда соттук-медициналык экспертизалар дайындалып, иликтөө иштери улантылып жатат.
Булак: turmush.kg.