2023-жылы Тажикстанда алимент төлөөдөн качкан жарандардын саны өстү.
Тажикстан өкмөтүнө караштуу Сот аткаруучулар кызматынын маалыматы боюнча, былтыр алимент төлөөдөн качкан 398, 2022-жылы 283 кишиге кылмыш иши козголгон.
Алимент төлөөдөн баш тарткандардын 12си аялдар. Бул тууралуу Сот аткаруучулар кызматынын жетекчиси Барно Саидвализода билдирди.
Тажикстанда алимент төлөөдөн баш тарткандарга айып пул салынат же 3 жылга чейин эркинен ажыратылат.
Алиментти өз убагында төлөбөгөн жана жашаган дарегин жашырган 568 жаран изделүүдө, бул көрсөткүч 2022-жылга салыштырмалуу 170 адамга көп.