Тажикстанда президенттик шайлоонун мөөнөтүн 11-октябрга белгиледи. Бул тууралуу тажик басылмалары жазды.
Маалыматка ылайык, Тажик парламентинин кош палатасы бүгүн, 6-августта биргелешкен жыйынга чогулуп, президенттик шайлоонун мөөнөтүн 11-октябрга белгилеген.
Тажикстанда президент 7 жылдык мөөнөткө шайланат. Өлкө аймагында 10 жылдан кем эмес жашаган, тажик тилин билген, жогорку билимдүү жана 30 жаштан жогорку кишилер талапкер боло алат.
Белгилей кетсек, Тажикстанды 1994-жылдан бери азыркы президент Эмомали Рахмон башкарып келет.