Кыргызстандын Германиядагы элчиси Өмүрбек Текебаев өзүнүн соцтармактагы баракчасына билдирүү жазып, аны актаган судья менен жолукканын ага белек ыйгарганын жазды.
«Варшавага кайра матрёшка менен келдим. 18 жыл мурун Варшавага келип, кире албай кайра кеткем. Анткени, аэропортто багажымдан составында героин аралашкан ак порошок салынган матрёшка табылган. Мен кармалып, түрмөгө олтургузулгам. Ошол ишти жаш судья кыз карап, фактыларды, жагдайларды, биографиямды эске алып, мени актап, түрмөдөн бошоткон.
9-март күнү ошол судья пани Малгожата Шамборска менен жолуктум. Ага ыраазычылык билдирип, белек бердим. Негизги белек матрёшка болду. Матрёшканын ичинде бул жолу да ак зат бар эле», — деп жазды ал.
Ошондой эле Текебаев белегинин сүрөтүн да жарыялаган.
Эске салсак, 2006-жылы сентябрь айында иш сапарына бараткан Өмүрбек Текебаевдин жүгүнөн Варшава аэропортунда героин табылып, бирок Польша соту аны актаган чечим чыгарган. Бул эл аралык жана жергиликтүү коомчулукта Бакиев режиминин оппозициялык лидерге каршы майнапсыз аяктаган кысымы катары бааланган.
Кыргызстандын Германиядагы элчиси Өмүрбек Текебаев Мамлекеттик экономикалык кылмыштарга каршы күрөшүү кызматынын мурдагы төрагасы Сыймык Жапыкеевден …
Соода-өнөр жай палатасынын президенти Темир Сариев Өмүрбек Текебаевдин чакыруусу менен Германияга барды. Бул тууралуу Кыргызстандын Германиядагы …
Кыргызстандын Германиядагы элчиси Өмүрбек Текебаев фейсбук баракчасына билдирүү жазды. Ал өз кайрылуусунда «июнь окуялары» боюнча …
Кыргызстандын Германиядагы элчиси Өмүрбек Текебаев Ички иштер министрлигинин (ИИМ) Тергөө башкармалыгына сурак берип чыкты. Бул …
Кыргызстандын Германиядагы элчиси Өмүрбек Текебаев Ички иштер министрлигинин (ИИМ) Тергөө башкармалыгына суракка чакырылды. Маалыматты Govori.TVга …
Жайкы каникулда Германияга иштегени келген кыргызстандык студенттер Кыргызстандын Германия Федеративдүү Республикасындагы элчиси Өмүрбек Текебаевден жардам …
