Сокулуктун Военно-Антоновка айылында куруучулар менен милиция кызматкерлеринин ортосунда чыр чыкты. Чүй ОИИБдин басма сөз кызматы кабарлады.
Маалымат боюнча, 31-августта мас абалдагы куруучулар №295 контурдагы жер тилкесинде мыйзамсыз курулуш жүргүзүп жатышкан.
Ал жерге барган аймактык милиция бөлүмүнүн кызматкерлери курулушту токтотууну талап кылышкан. Бирок алар макул болбой, милиция кызматкерлерин курулуш материалдарын колдонуу менен ур-токмокко алган, деп айтылат.
Бул окуядан кийин 3 милиция кызматкери ооруканага жаткырылып, Жазык кодексинин 266-беренеси (бейбашчылык) менен сотко чейинки өндүрүш иши башталды.
Шектүүлөр убактылуу камакка алынды. Тергөө уланып жатат.