• Бейшемби 6 Бугу 2021

Ысык-Атада чет өлкөлүк студентке бычак саюуга шектелген жигит кармалды

28 апреля 2021 в 11:33 Бишкек Govori.TV

Чүй ОИИББдин басма сөз кызматынын маалыматына ылайык, Ысык-Ата районунда чет өлкөлүк студентке бычак саюуга шектелген жигит кармалды.

Маалымат боюнча, кечээ, 27-апрель күнү болжол менен түнкү саат 04:21 чамасында Ысык-Ата РИИБдин нөөмөт бөлүмүнө аймактык ооруканага бычактан жаракат алган эркек киши жаткырылганы тууралуу маалымат келип түшкөн.

“Ысык-Ата РИИБдин ыкчам тергөө тобу ооруканага барып, бейтаптын өздүгүн такташкан. Ал 1998-жылы туулган Ш.Н. экендиги жана жогорку окуу жайлардын биринде окуган чет өлкөлүк жаран экендиги аныкталган.

Бул окуя Кылмыштардын жана жоруктардын бирдиктүү реестрине Жазык кодексинин 138-беренеси (Ден соолукка оор зыян келтирүү) боюнча катталып, сотко чейинки өндүрүш иши башталган”, – деп кабарланат маалыматта.

Чүй ОИИББдин жана Ысык-Ата РИИБдин кызматкерлери тарабынан жүргүзүлгөн ыкчам тергөө иш-амалдарынын натыйжасында жогорудагы кылмышка шектелип 2003-жылы туулган Ч.М. аттуу жергиликтүү жашоочу кармалды.

Количество просмотров: 43