• Жума 12 Баш оона 2022
  • Пятница 12 Август 2022

Ысык-Көлдө кашардын ээси малчысын өлтүрүп, жашырууга аракет кылган

7 июля 2022 в 11:18 Бишкек Govori.TV

Ысык-Көлдө кашардын ээси малчысын өлтүрүп, аны бөөдө кырсыктан каза болгонун көрсөтүүгө аракет кылган. Бул тууралуу облустук милициянын басма сөз кызматы кабарлады.

Маалыматка ылайык, 6-июль күнү саат 02.00 чамасында Ак-Суу РИИБдин нөөмөт бөлүмүнө Ысык-Көл облустук бириккен ооруканасынан билдирүү түшкөн. Анда Лесное айылынын 51 жаштагы тургуну М.М. өзүнүн 46 жаштагы айылдашы Э.Кнын жансыз денесин алып келип, медицина кызматкерлерине айылдашы тоо суусуна агып, каза болгондугун билдирүү менен белгисиз тарапка кетип калганы маалымдалган. Аталган маалымат райондук милициянын маалымат электрондук журналына катталып, окуя болгон жерге тергөө-ыкчам тобунун кызматкерлери жиберилген.

Каза болгон адамды сырттан кароо жүргүзүү учурунда, анын башында жана колдорунда көптөгөн тытылган жаракаттар табылган. Мындай жагдайлар милиция кызматкерлеринде жарандын бөдө кырсыктан каза болгондугу боюнча шектенүүлөрдү жараткан. Жарандын эмне себептен каза болгондугун так тастыктоо үчүн, Ак-Суу РИИБдин тергөө кызматы тарабынан соттук-медициналык экспертиза дайындалган. Милиция кызматкерлери каза болгон жаранды ооруканага алып келген адамдын жашаган жерине барышкан. Бирок, ал үйүндө жок болуп чыккан. Жүргүзүлгөн тергөө-ыкчам иштеринин натыйжасында кылмыш иликтөө бөлүмчөсүнүн кызматкерлери Лесное айылынын тургуну М.М. Каракол шаарынан табышып, аны Ак-Суу РИИБдин тергөө кызматына өткөрүп беришкен.

Анын көрсөтмөсүнө ылайык, каза болгон Э.К. үй-бүлөсү жок болгондуктан, акыркы 5 жылдан бери «Алтын-Арашан» жайлоосунда жайгашкан кашарында жашап, мал багып жүргөн. 5-июль күнү кечинде М.М. кашарына келсе малчысы жок болуп чыккан. Малчысын издеп, аны кашардан 30 метр алыстыкта жайгашкан көпүрөнүн жанынан суудан таап алган. Эмне болду деген суроого, малчы көпүрөдөн сууга кулап кеткендигин билдирген. Жабырлануучунун абалы оор экенин көрүп, аны унаасы менен ооруканага жеткирүүгө аракет кылган. Бирок ал жолдон каза болгон. Малчысын ооруканага калтырып, мал кароосуз калгандыктан кайрадан жайлоого кеткенин билдирген.
Берилген көрсөтмөнүн чын-төгүнүн аныктоо максатында Ак-Суу РИИБдин кызматкерлери бир катар тергөө-ыкчам иш-чараларын жүргүзгөн. Тинтүү учурунда милиция кызматкерлери кылдат катылган кандын издери бар сынган таяк менен малчынын төшөнчүсүн табышып, далил зат катары алышат.

«Талашсыз далилдердин алдында Лесное айылынын тургуну М.М. чындыкты жашыра албай, малчынын өлүмү боюнча күнөөсүн мойнуна алды. Тергөө амалдарынын жүрүшүндө белгилүү болгондой, пикир келишпестиктен улам кашардын ээси малчысын таяк менен бир нече жолу башка ургандыгын жана анын абалы оор болгондон улам ооруканага жеткиргендиги аныкталган»,-деп айтылат маалыматта.

Аталган окуя боюнча Ак-Суу РИИБдин тергөө кызматы тарабынан Кыргыз Республикасынын кылмыш жаза кодексинин 122 (Адам өлтүрүү) беренеси менен кылмыш иши козголду. Кылмышка шектүү жаранга соттун чечими менен баш коргоо чарасы кабыл алынганча, Каракош ШИИБдин убактылуу кармоочу жайына киргизилди. Учурда, кылмыш ишинин алкагында тергөө амалдары уланууда.

Количество просмотров: 11695

Мектеп окуучуларына бирдиктүү форма керекпи?

Жыйынтыгын көрүү

Биздин команда