Ысык-Көлдө мыйзамсыз кармалган балыктарды сатуу учурунда үч жаран кармалды. Бул тууралуу Ысык-Көл ОИИБдин басма сөз кызматы кабарлады.
Маалыматка ылайык, мыйзамсыз балык уулоо, биологиялык ресурстардын объектилерин мыйзамсыз жүгүртүүнү аныктоо жана бөгөт коюу максатында, Ысык-Көл облусунда милиция кызматкерлери жана жаратылыш ресурстары, экология жана техникалык көзөмөлдөө министрлигинин региондук башкармалыгынын, ошондой эле жергиликтүү мамлекеттик органдардын өкүлдөрү тарабынан тынымсыз рейддик иш-чаралар турмушка ашырылып келүүдө.
«Рейдтердин жүрүшүндө Түп РИИБдин милиция кызматкерлери мыйзамсыз кармалган балыктарды сатып жаткан жеринен үч жаранды кармашты. Алар Түп айылынын тургундары, 42 жаштагы С.У., 34 жаштагы Ж. Э. жана С. Б. болуп чыгышып, райондук борбордо «HYUNDAI» автомашинасы менен 102 даана «Сиг-лудога» балыгын сатууга аракет кылышкан. Аныкталган факт Түп РИИБдин КБРне катталып, Кыргыз Республикасынын кылмыш-жаза кодексинин 310-беренесинин (Балыкты, же болбосо суу жаныбарларын мыйзамсыз уулоо жана олжолоо) негизинде, тергөө кызматы тарабынан кылмыш иши козголду», — деп жазылат маалыматта.
Кошумчалангандай, жаратылышка келтирилген зыянды аныктоо максатында, материалдар жаратылыш ресурстары, экология жана техникалык көзөмөл министрлигинин региондук башкармалыгына өткөрүлүп берилди.
Тергөө амалдары уланууда
Ысык-Көлдө мыйзамсыз балык улоо менен алектенген жаранды кармалды. Бул тууралуу облустук милициянын басма сөз кызматынан …
Орто-Токой суу сактагычында синтетикалык тор менен мыйзамсыз балык уулоо жүргүзүп жаткан адам кармалды. Бул тууралуу …
