Самарканд облусунда ишкерлик менен алектенген 47 жаштагы ооган тектүү Германия жаранынын өлүмүнө айыпталган 5 киши соттолду. Бул тууралуу өзбек басылмалары жазды.
Маркум Незахат Каюуминин жубайы жабырлануучу катары сотко катышуу үчүн Германиядан учуп келди. Ал күйөөсү үчүн Өзбекстан мекени болуп калганын билдирди.
Маалыматка караганда, беш киши Каюми ижарага алган үйгө беткапчан кирип барышкан. Алар үйдү электр жарыгынан, видеокөзөмөл камераларынан ажыратып, ага кол салышкан. Айыпталуучулар ишкерди союл менен чаап, колу-бутун сындырышкан. Жабырлануучу ооруканага жаткырылган жана кийинчирээк жарык дүйнө менен кош айтышкан.
Соттолуучулардын бири таксист болуп иштерин, алар ишкерден маңзат уурдоого аракет кылышканын айткан.
Башка бир айыпталуучу Германия жаранынын үйүнө мурда электрик катары барганын, иш учуруна анын үйүнөн ири суммадагы акча көрүп калганын айткан. Ал башка төрт шеригин чакырып, эки кап маңзат уурдоо планын билдирген. Бирок алар үйдөн акча табышкан эмес.
Самарканд облустук Жамбай райондук соту айыпталуучуларды «Уюшкандык менен каракчылыкка баруу», «Ден соолукка атайлап оор зыян келтирүү» беренелери боюнча күнөөлүү деп тапты.
Кылмыштуу топтун башчысы 19 жылга эркинен ажыратылып, анын үч шериги 16-18 жылга кесилди. Аларды маркумдун үйүнө чейин алып барган таксист 13 жылга соттолду.
Бишкектин Октябрь райондук соту 9-февралда «Клооп Медиа» коомдук фондун жоюу жөнүндө чечим чыгарды. Бул тууралуу …
Жогорку Кеңештин мурдагы депутаты Эмил Жамгырчиев үй камагына чыкты. Бул тууралуу Бишкектин Биринчи Май райондук …
Өзбекстанда сот жөтөлгө каршы «Док-1 Макс» сиробун ичкен балдардын өлүмү боюнча ишти кароону бир айлык …
Саясатчы Алексей Навальныйдын доо арызы боюнча өтө турган сот отурумдары анын кайсыл жерде экени «такталганга …
Бүгүн 20-ноябрда Сокулук райондук соту Чүйдүн Селекция айылындагы жол тосууга айыпталып кармалгандар боюнча өкүмүн чыгарды. …
Бүгүн, 10-ноябрда “Вечерний Бишкек” басылмасынын Kaktus.media сайтынын үстүнөн жазган арызы боюнча Жогорку Сот чечим чыгарды. …
