Талас жана Нарын облусунда табылган ак илбирстерге ат коюлду. Бул тууралуу Айлана-чөйрөнү коргоо жана токой чарбасы мамлекеттик агенттигинин директорунун орун басары Элдияр Шерипов билдирди.
Анын айтымында, Таластын Көк-Ой айылында жарадар болгон ак илбирске Чыңгыз Айтматовдун «Тоолор кулаганда» романында айтылган ак илбирс – Жаабарстын аты коюлган.
Ал эми 11-январь күнү Нарында кармалган ак илбирске Акмөөр деп ат коюшкан.