Мурдагы президент Алмазбек Атамбаев чукул операцияга муктаж. Бул тууралуу анын жактоочусу Замир Жоошев билдирди.
«Алмазбек Шаршенович омурткасындагы грыжадан кыйналып жатат. Ошондой эле жүрөгүн дагы дарылатуу керек. №47 колонияда ал толук кандуу медициналык дарылоодон өтө албайт», — деди Жоошев.
Эске салсак, Атамбаев кримтөбөл Азиз Батукаевдин 2013-жылы түрмөдөн мыйзамсыз бошотулушу боюнча иштин алкагында Атамбаев 2019-жылы камалган. Алгач Улуттук коопсуздук мамлекеттик комитетинин (УКМК) тергөө абагында отуруп, кийин ден соолугуна байланыштуу Бишкектеги №47 абакка которулган.