Кыргызстан изоляцияда калбашы үчүн жарандар коронавируска каршы вакцина эмдөөдөн өтүшү зарыл. Бул тууралуу президент Садыр Жапаров 5-майда жаңы Конституцияга кол коюп, өлкө элине кайрылуу жасаган учурда билдирди.
«Элди эмдөөдөн өткөрбөсөк, пандемия шартында жарандардын ары-бери каттоосуна бөгөт болгон маселеге айланат», — деди Жапаров.
Өлкөдө Кытайдын «SinoPharm» жана Орусиянын «Спутник V» вакциналары менен эмдөө жүрүп жатат. Расмий эсепте 33 миңден ашуун киши вакцина алды.