Министрлер кабинетинин төрагасы Акылбек Жапаров Ош — Кашкар — Ош авиакаттамын ачууну сунуштады. Бул тууралуу өкмөттүн маалымат кызматы билдирди.
Жумушчу сапардын алкагында Жапаров Кытайдын Синьцзян-Уйгур автономиялуу районунун (СУАР) партиялык комитетинин катчысы Ма Синжуй менен жолуккан.
«Жолугушуунун сонунда Акылбек Жапаров, Ош-Кашгар-Ош авиа каттамын ачуу сунушун киргизип, КЭР СУАР Партиялык комитетинин катчысы Ма Синжуй менен СУАР элдик өкмөтүнүн башчысы Эркин Туниязды иш сапар менен Кыргызстанга келип кетүүгө чакырды»,-деп айтылат маалыматта.
Минкаб башчысы 2-мартка чейин Кытайдын Синьцзян-Уйгур автономиялуу районунда иш сапары менен болот. Кыргызстан, Өзбекстан жана Синзянь уйгур автоном районунун өкмөттөрүнүн жолугушуусуна катышат.
