• Жекшемби 4 Бештин айы 2022
  • Воскресенье 4 Декабрь 2022

Жапаров “ЖК Регламенти жөнүндө” мыйзамдын макулдашылган редакциясына кол койду

16 ноября 2022 в 18:16 Бишкек Govori.TV

Президент Садыр Жапаров “Жогорку Кеңештин Регламенти жөнүндө” КР мыйзамынын макулдашылган редакциясына кол койду. Бул тууралуу президенттин маалымат кызматынан билдиришти.

Жогорку Кеңештин Регламенти парламент тарабынан КРнын Конституциясында жана өлкөнүн мыйзамдарында каралган ыйгарым укуктарды жүзөгө ашыруунун тартибин жана процедурасын аныктайт.

Буга чейин “Кыргыз Республикасынын Жогорку Кеңешинин Регламенти жөнүндө” мыйзамы президенттин каршы пикири менен кайтарылган.

Жогорку Кеңештин 2022-жылдын 8-сентябрындагы № 463-VII токтому менен Кыргыз Республикасынын Жогорку Кеңеши тарабынан 2022-жылдын 30-июнунда кабыл алынып жана 2022-жылдын 19-августунда Кыргыз Республикасынын Президентинин каршы пикири менен артка кайтарылган “Кыргыз Республикасынын Жогорку Кеңешинин Регламенти жөнүндө” Кыргыз Республикасынын Мыйзамынын макулдашылган вариантын иштеп чыгуу боюнча курамында 9 мүчөсү менен макулдашуу тобу түзүлгөн (Кыргыз Республикасынын Жогорку Кеңешинин депутаттары, Кыргыз Республикасынын юстиция министри, Кыргыз Республикасынын Президентинин Администрациясынын жана Кыргыз Республикасынын Жогорку Сотунун өкүлдөрү).

2022-жылдын 20-октябрында Кыргыз Республикасынын Жогорку Кеңеши тарабынан “Кыргыз Республикасынын Жогорку Кеңешинин Регламенти жөнүндө” КР мыйзамынын макулдашылган варианты кабыл алынды.

Количество просмотров: 98

Бишкектеги 4 райондун атын өзгөртүү сунушуна макулсузбу?

Жыйынтыгын көрүү

Биздин команда