Жалал-Абад милициясы адам өлтүрүү фактысынын бетин изин суутпай ачты. Бул тууралуу Жалал-Абад ОИИБдин басма сөз кызматы билдирди.
Жалал-Абад ШИИБдин нөөмөт бөлүмүнө телефон чалуу болуп, 2024-жылдын 14-март күнү саат 16:25 чамасында Жалал-Абад шаарынын борбордук базарында бир баланы башка бир бала учтуу нерсе менен сайып окуя болгон жерден качып кеткендиги билдирилген. Жаракат алган жаран ооруканага жетпей каза болуп калган.
Бул окуя Жалал-Абад ШИИБдин тергөө кызматы тарабынан кылмыштардын бирдиктүү реестрине Кыргыз Республикасынын Кылмыш-жаза кодексинин 122-беренеси (Адам өлтүрүү) менен катталып, кылмыш иши козголуп, тиешелүү экспертизалар дайындалган.
Жалал-Абад ШИИБдин жетекчилиги жана өздүк курамы жапа тырмак иштөөсүнүн натыйжасында кылмыш ишинин бети изи суутпай ачылган. Кылмышка шектүү катары Жалал-Абад шаарынын тургуну 2003-ж.т. А.И. кармалып, убактылуу кармоочу жайга киргизилген.
А.И. тергөөдө көрсөтмө берип, сөз талашып уруша кеткендиктен бычак менен каза болгон жарандын далысынын асты тарабына сайып жибергендигин билдирген.
Учурда тергөө амалдары жүрүп жатат.
