ИИМдин Кылмыш иликтөө башкы башкармалыгынын Үчүнчү башкармалыгынын ыкчам кызматкерлери каракчылык менен кол салууга шектелген жаранды кармашты. Бул тууралуу ИИМдин басма сөз кызматы кабарлады.
Маалыматка ылайык, 9-январь күнү ички иштер органдарына чет өлкөнүн жарандары кайрылып, мүлктү ээлеп алуу максатында каракчылык менен кол салгандарга карата тиешелүү чараларды көрүп берүүлөрүн суранышкан. 9-январь күнү болжол менен саат 05:00 чамасында Сокулук районунда жайгашкан жеке ишкананын имаратына куралданган бет капчан белгисиз адамдар кирип келишип, күч колдонушуп, курал менен коркутушуп, 650 000 сом өлчөмүндөгү акча каражатын ээлеп алышкан. Кылмыш жасалган учурда имараттын ичинде фирманын төрт кызматкери болгон.
Бул факты Чүй облусунун Сокулук РИИБге катталып, Кылмыш-жаза кодексинин 207-беренесинин 3-бөлүмүндө (Каракчылык) көрсөтүлгөн кылмыш белгилери боюнча кылмыш иши козголгон.
«Бишкек шаарынын аймагында жүргүзүлгөн иштердин натыйжасында мурда бир нече жолу соттолгон, уюшкан кылмыштуу топтун мүчөсү катары ИИМдин ыкчам каттоосунда турган 1989-жылы туулган Ш.А. кармалган. Аны кармоо учурунда 9 мм калибрдеги “Макаров” тапанчасына окшош курал табылып алынган. Тиешелүү экспертизалар дайындалды. Андан сырткары, бул кылмыш ишине тиешеси бар үч жаран кармалды. Шектүүлөр убактылуу кармоочу жайга киргизилди»,-деп айтылат маалыматта.
Иликтөө иштери жүрүп жатат.
Бишкектеги мектептердин биринде 8 жаштагы окуучуну сабаган деп 34 жаштагы киши кармалды. Бул тууралуу Ленин …
Ошто жөө өтмөктөн эки окуучуну сүзүп качкан айдоочу кармалды. Маалыматка ылайык, кырсык 10-апрелде шаардагы 8-март …
Сокулук районундагы мунапыстагы жер тилкелерин мыйзамсыз сатуу менен алектенген “Жер мафиясынын” мүчөсү кармалды. Бул тууралуу …
Бишкек шаардык милициясы 4-апрелде 34 жаштагы аялдын өлүмүнө шектүү кармалганын билдирди. Бул тууралуу ушул эле …
Ысык-Көл облусунда айылдаш аялды өлтүрүүгө шектелген жаран кармалды. Бул тууралуу облустук милициядан билдиришти. Маалыматка ылайык, …
Жалал-Абад облусунун Ала-Бука районунда “безпредельщик” атыккан жаран кармалды. Бул тууралуу Улуттук коопсуздук мамлекеттик комитетинен билдиришти. …
