• Ишенби 21 Бугу 2022
  • Суббота 21 Май 2022

ЖК депутаты, Жанар Акаев: «Биринчи кезекте прокурорлор эмес, азыр мугалим-врачтар үйгө муктаж»

31 мая 2018 в 13:45 Бишкек Govori.TV

Бишкек. 31.05.2018. Govori.TV

Бүгүн, 31-майда парламенттин жалпы жыйынында Жогорку Кеңештин депутаты Жанар Акаев биринчи кезекте прокурорлор эмес, азыр мугалим-врачтар үйгө муктаж экендигин айтты.

«Мындан бир жума мурун ипотекалык компания арзан турак-жай берүүнү акча-каражаттардын жоктугуна байланыштуу токтоптур. Ал эми  ноябрь айында маданият кызматкерлери үчүн көп батирлүү турак үйдүн курулушу башталган. Бирок ал дагы акча-каражаттын жоктугуна байланыштуу токтогон. Менимче бул туура эмес»-дейт депутат.

Ошондой эле депутат  арзан турак-жай программасынан сырткары дагы  үйлөрдү бөлүштүрүү адилетсиздик жүрүп жаткандыгын белгиледи.

«Өкмөт биринчи кезекте арзан турак-жай программасын токтотпой, акчаны таап улантышы керек. Анткени азыр бизде миңдеген врачтар, мугалимдер, маданият кызматкерлери жана мигранттар үйлүү болобуз деп узак мөнөттүү арзан пайыздагы кредитке жетсек деп үмүт кылып жүрүшөт»-дейт.

Мындан сырткары, прокуратура кызматкерлеринин  көбүнүн үйлөрү бар экендигин жана мугалим, врач жана маданият кызматкерлерине окшоп, айлыкты гана күтүп жашабай тургандыгын айтып өттү.

Ошондуктан мугалимдер, врачтарга, маданият кызматкерлерине арзан турак-жай берүү убактылуу токтогону туура эмес, аны чукул арада каражат таап улантышы керек дейт депутат Жанар Акаев.

Количество просмотров: 8