Бүгүн, 13-апрелдеги Жогорку Кеңештин жыйынында “Кыргыз Республикасынын айрым мыйзам актыларына (Жер кодексине, “Жайыттар жөнүндө” мыйзамга) өзгөртүүлөрдү киргизүү тууралуу” мыйзамдын долбоору үчүнчү окууда каралды.
Мыйзам долбоору жайыттарды натыйжалуу башкарууга жана сарамжалдуу пайдаланууга, жайыттарды башкаруу жаатындагы жергиликтүү өз алдынча башкаруу органдарынын ролун жана жоопкерчилигин жогорулатууга багытталган. Мындан тышкары, жеке жана юридикалык жактарга жайыттарды мергенчилик, балчылык, дары чөптөрдү, мөмө-жемиштерди жана жашылчаларды чогултуу, туризм, балык уулоо үчүн жергиликтүү калктын кызыкчылыгын эске алуу менен 5 жылдык мөөнөткө (20 жылга чейин узарттуу мүмкүнчүлүгү менен) пайдаланууга берүү каралган.
Жыйында Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитетинин төрагасы Аманкан Кенжебаев баяндама жасап, үчүнчү окууга карата жазуу жүзүндө сунуштар келбегенин белгиледи.
Талкуу маалында депутат Нурланбек Азыгалиев Жайыл жана Панфилов райондорунун тургундарынан келген кайрылуулар тууралуу сөз кылып: “Мыйзам долбоору боюнча элге толук түшүндүрүү иштери жүргүзүлгөн эмес. Ошондуктан аймактарда түшүнбөстүктөр көп болууда”, – деди.
Ушундай эле пикирге токтолгон депутаттер Адахан Мадумаров, Дастан Бекешев, Султанбай Айжигитов, Миргүл Темирбаева мыйзамга коомчулук тарабынан нааразычылык көп экенин белгилешти.
Жыйынтыгында кайчы пикирлер арбын экендигине байланыштуу кеңири талкуулоо үчүн кайрадан экинчи окууга кайтаруу чечими кабыл алынды.
Жогорку Кеңеш Министрлер кабинетинин төрагасы демилгелеген «Жергиликтүү өз алдынча башкаруу чөйрөсүндөгү айрым мыйзам актыларына өзгөртүүлөрдү …
Баш мыйзамдын 30 жылдыгына жана Адам укуктарынын жалпыга таанылган декларациясынын 75 жылдыгына байланыштуу мунапыс жөнүндөгү …
КЫТАЙ ПРЕМЬЕРИНИН ИШ САПАРЫ Президент Садыр Жапаров Кытай мамлекеттик Кеңешинин премьери Ли Цянды кабыл алды. …
Бүгүн, 17-октябрда Президенттин жана Министрлер кабинетинин Жогорку Кеңештеги туруктуу өкүлү Алмасбек Абытов депутат Надира Нарматова …
Жогорку Кеңешк персоналдык компьютер сатып алууга конкурс жарыяланды. Бул тууралуу маалымат Мамлекеттик сатып алуулар порталына …
ЧЕК АРАДА КУРМАН БОЛГОНДОРДУН ЖАКЫНДАРЫНА СОЦПАКЕТ Президент Садыр Жапаров Баткенде чек арада курман болгондордун үй-бүлөсүнө …
