Бүгүн, 10-сентябрда Жогорку Кеңеште 23-сентябрь – Мамлекеттик тил күнүнө карата “Мамлекеттүүлүк жана мамлекеттик тил” атуу илимий-тажрыйбалык конференция өтүүдө.
Аталган иш-чарага КР Президентинин Аппаратынан, КР Өкмөтүнөн, төрага Дастанбек Жумабеков баштаган депутаттар, Мамлекеттик тил боюнча улуттук комиссиядан, министрликтен, ведомстволордон, жогорку жана орто окуу жайлардан өкүлдөр катышууда.
Бүгүнкү илимий-тажрыйбалык конференцияда Мамлекеттик тил мыйзамын кабыл алуудагы тарыхый жагдайлар, кыргыз тилинин өзгөчөлүктөрү, санариптешүүдөгү көйгөйлөр жана жетишкендиктер, маалыматтык технология доорундагы-кыргыз тилинин орду жөнүндө баяндамалар жасалат.