Орусия Украинага толук масштабдуу кол салуу үчүн зарыл болгон аскердик күчүнүн жана техникасынын 70% жакынын украин чек арасына жакын жерге жайгаштырды. Бул тууралуу Reuters жана Washington Post басылмалары АКШнын Чалгын кызматындагы өз булактарына шилтеме кылып кабарлашты.
Маалыматка караганда, Украинанын чек арасына жакын жердеги орусиялык батальондук топтордун саны 83кө жетти. Мындан тышкары дагы 14 топ жолдо бара жатканы кабарланды.
Булак бир жума мурда эле чек арага жакын аймактагы орус батальондорунун саны 60ка жакын болгонун белгилеген. Басылмалардын билдирүүсүндө бул санга Буларустагы «Союздук чечкиндүүлүк» деп аталган аскердик машыгууларга барган орусиялык жоокерлер кошулган-кошулбаганы көрсөтүлгөн эмес.
Бир батальондук топто 750гө жакын аскер кызматкери бар. Washington Post гезити Украинанын чек арасына жакын жердеги жана аннексияланган Крым жарым аралындагы орусиялык аскерлердин жалпы саны 100-130 миң деп бааланып жатканын жазууда.
Орусия кеч күздөн бери Украина менен чек арасына жакын аймактарына аскерин жана аскердик техникаларын топтоп жатат. Соңку жумаларда Украинанын түндүгүнө жакын Беларустун аймактарына да орус аскерлери жөнөтүлгөн.
Батыш менен Киев Орусия жакын арада Украинага кол салышы мүмкүндүгүн эскертип келет. Москва мындай ниети жок экенин, аскерлер машыгуу максатын гана көздөй турганын билдирип, Батышка «Украина НАТОго мүчө болбошу керек» деген талап коюуда.
Подмосковьедеги Балашиха шаарында 14 киши, анын ичинде төрт полиция кызматкери мыйзамсыз миграция уюштурууга шектелип кармалды. …
25-мартта Москванын Басман райондук соту «Крокус Сити Холлдогу» террордук чабуулга байланыштуу дагы үч кишини камакка …
Орусиянын президенти Владимир Путин 24-мартты аза күтүү күнү деп жарыялады. Путин өз кайрылуусунда каза болгондордун жакындарына көңүл …
Тышкы иштер министрлиги Кыргызстандын Орусиядагы элчилиги менен бирге Москванын четиндеги Красногорск шаарындагы «Крокус Сити Холл» …
Кыргызстандын Тышкы иштер министрлиги «Крокус сити холлдогу» террордук актка байланыштуу Москвадагы кыргызстандыктарды эл көп чогулган …
Москванын четиндеги Красногорск шаарындагы «Крокус Сити Холл» концерттик залында болгон кандуу кол салууда жабыркагандардын саны …
