Factcheck.kg сайтынын башкы редактору Болот Темиров өзүнүн ур-токмокко кабылганын кесиптик ишмердигине байланыштырууда. Бул тууралуу ал фейсбуктагы өздүк баракчасына жазды.
Анын айтымында, кол салгандар ноутбук сыяктуу баалуу буюмдарына тийген эмес.
Эске салсак, Кыргызстанда коррупциялык көрүнүштөрдү жана бийлик өкүлдөрүнүн мыйзамсыз аракеттерин ашкерелеген журналисттик иликтөөлөрү менен белгилүү «FactCheck» порталынын редактору, журналист Болот Темировго 9-январда түшкө маал Бишкекте басылманын кеңсесинин жанынан белгисиз үч адам кол салган. Алар журналистке бир нече сокку уруп, телефонун тартып алышкан.