Өлкөдө дагы 11 медицина кызматкеринен коронавирус аныкталды. Бул тууралуу бүгүн, 6-июнда саламаттыкты сактоо министринин орун басары Нурболот Үсөнбаев билдирди.
«Жаңы катталган 2 медицина кызматкери Бишкек шаарында, 7 кызматкер Ош шаарында жана 1 кызматкер Нарын, 1 кызматкер Чүй облусунда. Ал эми акыркы суткада ооруканадан 1 медицина кызматкери айыгып чыкты»,-деди ал.
Кошумчалай кетсек, жалпысынан республика боюнча COVID-19 диагнозу менен ооруган медициналык кызматкерлердин саны 389. Алардын ичинен 273 медкызматкер стационарлардан айыгып чыккан.