Кыргызстандын мурдагы президенти Алмазбек Атамбаев Апрель ыңкылабынын 14 жылдыгына карата кыргызстандыктарга кайрылуу жолдоду. Анын кайрылуусу социалдык тармактарга жарыяланды.
Төмөндө кайрылууну өзгөртүүсүз келтиребиз:
«Урматту мекендештер!
2010-жылдын 7-апрелинде эл көтөрүлүп, революция болуп, аягында бийлик аргасыз өлкөдөн качкан. Бирок, 7-апрелде Ак үйдө отурган канкорлор аянтка чогулган жарандарды атууга буйрук беришкен. Ошондо 86 жарандын өмүрү кыйылгын. Андан кийин да, өткөн 14 жылдын ичинде ал күнү алган жаракаттардан ондогон жаран дүйнодөн кайтты.
Шейиттердин жаркын элесине таазим этип, алардын жакындарына Жараткандан ден соолук жана берекет тилейбиз.
Апрель революциясына карата ар кайсы пикир бар. Бирок, ошондо накта элдик революция болгону шексиз. Себептери да, элдин толкуну да, натыйжалары да муну далилдейт. Эл кезектеги үй-бүлөлүк кланды өлкөдөн айдап чыгып, андан кийин бийликтин көп жылдан бери жүргүзгөн жарандардын укугун чектөө саясатын токтоткон.
Эл өз укугуна ээ болгондон кийин, экономика, маданият, улуттук аң-сезимдин бекемделишине шарт түзүлгөн. Кыргыздар өз өлкөсү, маданияты, тарыхы менен сыймыктанып калышкан.
14 жылдын ичинде көп нерсе өзгөрдү. Бирок, кыргыз элинин Акыйкат менен Эркиндикти өз өмүрүнөн ыйык тутканы өзгөргөн жок. Муну унуткандар ар дайым катуу өкүнчү. Азыркы бийлик аны жакшы билет жана унутпайт деген үмүтүм бар. Конституцияда бекитилген укуктарды да ар бир жаран үчүн иш жүзүнө ашырууга бийликтин толук мүмкүнчүлүктөрү бар.
Урматтуу мекендештер!
акыйкат, эркиндик, коркпостук жана үмүт символу болуп калган ушул 7 апрель күнү баарыңыздарга чың ден соолук, узун өмүр, жакшылык жана ийгилик каалайм! Жараткан элибизге ынтымак, жерибизге берекет берсин!».
Президент Садыр Жапаров бүгүн кыргыз-тажик чек арасындагы куралдуу кагылышуудан курман болгон жарандарды эскерүүгө байланыштуу кыргызстандыктарга …
Президент Садыр Жапаров бүгүн, 24-мартта, Март элдик революциясынын кезектеги жылдыгына карата кыргызстандыктарга кайрылуу жасады. Төмөндө …
Мурдагы президент Алмазбек Атамбаев Испаниянын өкмөтүнүн башчысы Педро Санчес менен жолукту. Бул тууралуу анын партиялашы …
Бүгүн, 18-январда парламент жыйынында депутат Сеид Атамбаев Кыргызстанда журналисттердин укугун коргоого чакырды. Депутат акыйкатчы Жамила …
Президент Садыр Жапаров өзүнүн социалдык тармактагы баракчасы аркылуу инвесторлор жана мамлекеттик органдарга кайрылды. Текстти толугу …
Президент Садыр Жапаров бүгүн, 3-декабрда, Майыптардын эл аралык күнүнө карата кайрылуу жолдоду. Мамлекет башчысынын кайрылуусунун …
