Айыл чарба министрлиги кызматкерлерине өзгөчө кам көрөт. Компьютердин зыяндуулугу үчүн акча төлөйт

Бишкек. 04.11.2018. Govori.TV

Кыргызстандын кээ бир Министрликтеринин кызматкерлери ушул күнгө чейин ПК менен иштегенине кошумча каражат алышат.

Айыл чарба Министрлигинин кызматкерлери компьютерде иштегендиги үчүн «зыяндуулукка» кошумча акы алышат. Бул тууралуу мекеменин маалымат кызматы билдирди.

«2018-жылдын 7-бирдин айында компьютердин үнү жана нурдантуусу тууралуу протоколдун негизинде №9 жана №10, аттестациялык комиссиянын протоколу №1 2018-жылдын 12-бирдин айында түзүлгөн жана айыл чарба Министрлигинин 2018-жылдын 28-жалган куранындагы буйругунун негизинде өзгөчө шартта иштегендиги үчүн айлыкка кошумча төлөнөт».

Белгилей кетүүчү нерсе, айыл чарба Министрлиги бул жаатта кызматкерлерине кам көргөн жападан жалгыз мекеме. Социалдык өнүктүрүү жана эмгек Министрлигинде да өз кызматкерлерине кошумча акы төлөө тууралуу ойлонуп жатышкандарын моюнга алышты.

«Учурда жумушчу орундарга аттестация жүргүзгөн жокпуз жана кошумча акы албайбыз, — деп жооп беришти андагылар. Бирок бул маселе бир нече жолу көтөрүлгөн. Министрлик компьютерлерди алмаштырган, эми алардын зыяндуулугу тууралуу комиссия чогултуш керек. Азыр бул маселе актай турат».

Тышкы иштер Министрлигинде, улуттук коопсуздук Мамлекеттик комитетинде, өнөр жай, энергетика жана кен иштетүү Мамлекеттик комитетинде, ошондой эле Кыргыз Республикасынын байланыш жана маалымат технологиясы Мамлекеттик комитетинде зыяндуулукка кошумча акы албастыгын жана сурабай да тургандыктарын билгизишти.

Депутат Дастан Бекешев эки жумадай мурун бул кошумча акыларды жоюу тууралуу сунуш киргизген болчу.

25% же 15% айлыкка компьютердин зыяндуулугу үчүн кошумча акы алышат кээ бир министрликтер, — деп айтты ал. — Кайсы токтомдун негизинде бюджеттен кошумча акы алышат?

Депутат мектеп окуучулары да монитордун алдында убактыларын өткөрүшөт деп билдирди. Андай болсо бардык компьютерде отургандарга кошумча акы бериш керек, болбосо баарын жоюп салуу керек.

Премьер-министр Мухаммедкалый Абылгазиев, мисалы,Улуттук статистикалык комитеттин кызматкерлери бир күн кечке компьютерде отурат деп каршы болот. Ошонун негизинде комитет алардын кызматкерлери үчүн зыяндуулукка кошумча акы берүүнү сурап жатышат.

«Мындай кошумча акы төлөөнүн өзүнүн тартиби бар, — деп түшүндүрдү биринчи вице-премьер-министр Кубатбек Боронов. — Санэпидемкөзөмөлдүн комиссиясы кызматкерлерге зыяндуулуктун пайыздык катышын эсептеп чыгарып берет, 8 саат бою отурса канча болоорун ошолор айтат анан».

Эске салсак, 2018-жылы аяк оонада Эсептөө палатасы Улуттук энергохолдингден компьютерге отургандыгы үчүн төлөнгөн кошумча акы боюнча мыйзам бузууну аныктаган.

2016-жылы ишкана кызматкерлерге негизсиз эле 294 миң сом кошумча акы төлөгөн. Ошондой эле жетекчилик мыйзамсыз сыйлыктарды дайындаган, анын суммасы 715,9 миң сом болгон. Жалпы чыгымдын өлчөмү 1 млн. 9,9 миң сомду түзгөн.

«Улуттук энергохолдинг» ААК нааразы болуп, эмгек кодекси боюнча, кызматкерлер ден соолугуна зыян келтирген жумушту аткарууда мындай кошумча акы алууга укуктуу дешти.

«Майрам күндөргө карата берилген сыйлыктар, Улуттук энергохолдингдин ички нормативдик актыларына жана азыркы эмгек кодексине ылайык негиздүү», — деп билдиришти андагылар.

Булак: “Vesti.kg” сайты

Подписаться:

Тема боюнча

Жуманазарованын атаандашы: «жеңиш үчүн атаандашынын мурдун сындырып, башын сүзүү эч нерсе эмес…»

Казакстандын Астана шаарында өткөн Күрөш боюнча Азия биринчилигинде 50, 55, 59, 68, 76 кг салмактагы …

Кененирээк

Эмил Токтошев: «Мадумаровго партиядагы орун үчүн акча берген деген калптын өзүнүн логикасы жок!»

Жогорку Кеңештин «Бүтүн Кыргызстан » партиясынан шайланып келген депутаты Эмил Токтошев шайлоо учурунда “Бүтүн Кыргызстан” …

Кененирээк

Кара-Сууда карызы үчүн бычактап салган жаран кармалды

Кара-Суу районунда эркек киши карызы үчүн жаранды бычак менен сайып жиберген. Бул тууралуу Ош облустук …

Кененирээк

Быйыл 2 айда мигранттар Кыргызстанга канча акча которгону айтылды

Быйыл январь-февраль айларында чет жактарда жүргөн эмгек мигранттары Кыргызстанга 364,7 млн доллар которду. Маалыматты Улуттук …

Кененирээк

Партиялар шайлоонун үгүт иштерине канча акча коротту?

Жогорку Кеңешке шайлоого катышып жаткан 21 саясий партиянын шайлоо фондуна 17-ноябрга карата 167 миллион 23 …

Кененирээк

COVID-19 илдети менен ооруган медкызматкерлерге дагы 200 миң сом төлөнүп бериле элек

COVID-19 илдети менен ооруган медкызматкерлерге дагы 200 миң сом төлөнүп бериле элек. Бул тууралуу Республикалык …

Кененирээк