Ак-Сай жана Ворух айылдарынын чектешкен жерлерине пост коюлду. Бул тууралуу УКМКнын Чек ара кызматынан билдиришти.
Кечээ, 17-майда Ак-Сай (Кыргызстан) жана Ворух (Тажикстан) айылдарынын чек арасында эки өлкөнүн чек ара өкүлдөрүнүн ортосунда жолугушуу өттү. Жолугушууда эки облустун жетекчилери ортосунда жетишилген келишимдин ишке ашышы талкууланды.
“18-майда Ак-Сай жана Ворух айылдарынын чектешкен жерлерине эки тараптан тең посттор коюлду. Саат 07:25тен тарта Ходжаи-Аъло – Ворух жана Ак-Сай – Тамдык жолунда унаалар жүрө баштады”, — деп айтылат маалыматта.