Жогорку Кеңештин депутаты Шайлообек Атазов Фейсбуктагы баракчасына кайрылуу жасап, VII чакырылыштын депутаттарына кысым болуп жатканын айтты.
“Тайманбаган Адахан Мадумаровдун мандатын алгандан кийин VII чакырылыштагы башка жаш депутаттардын мандатын алып коюу жөнөкөй эле ишке айланды. Дегиле Кыргызстандын тарыхында VII чакырылыштын депутаттарына болгондой кысым болгон эмес”, — деди ал.
Бишкектин административдик соту 1-мартта 2022-жылдын февраль айында Бишкектин №29 Свердлов районундагы кайра шайлоонун жыйынтыгы менен мандат алган Жогорку Кеңештин депутаты Шайлообек Атазовдун мандатын жокко чыгарган.
Ага ылайык, Бишкектин административдик соту ушул эле округдан 2022-жылы шайлоого катышкан Абдурахманхажи Муртазалиевге мандат берүү токтомун чыгарган.
Атазов мандатын жокко чыгарган сот чечимине каршы Бишкек шаардык сотуна кайрылган.
2022-жылдын 27-февралында Бишкектин Свердлов району боюнча Жогорку Кеңештин депутаттыгына шайлоо өткөн. Анда шайлоону Абдурахман Муртазалиев алдыга чыгып, Шайлообек Атазов экинчи орунду алган. Бирок милиция Муртазалиевдин тарапташтары делген адамдарды добуш сатып алууга шектеп кармаган. Мындан улам Борбордук шайлоо комиссиясы Муртазалиевди депутаттыкка талапкерлердин катарынын чыгарган. Натыйжада Атазов депутат болуп келген.
Муртазалиев милиция кармаган адамдарга өзүнүн тиешеси жок экендигин айтып чыккан. Ал БШКнын чечимдерин жокко чыгаруу өтүнүчү менен сотко кайрылып, бирок бардык инстанциядагы соттор анын өтүнүчүн канааттандырган эмес.
Быйыл 21-февралда Муртазалиевдин жактоочусу Таалайкүл Токтакунова БШКга кайрылып, Атазовдун депутаттык ыйгарым укуктарын токтотуп, мандатты Муртазалиевге берүүнү суранган. Ал кайрылуусунда милиция добуш сатып алууга шектеп кармаган адамдардын Муртазалиев менен байланышы жок экени Свердлов райондук сотундагы териштирүүдө аныкталганын билдирген.
Борбордук шайлоо комиссиясы Шайлообек Атазовду №29 Свердлов шайлоо округу боюнча шайланган Жогорку Кеңеш депутаты деп …
Шайлообек Атазовдун мандат боюнча иши шаардык сотто каралат. Бул тууралуу ал Фейсбуктагы жазды. «Урматтуу мекендештер! …
Жогорку Кеңештин депутаты Шайлообек Атазов мандатынан ажыратуу боюнча Бишкектин административдик соту чыгарган токтом тууралуу үн …
Бүгүн, 15-февралда Жогорку Кеңештин депутаты Шайлообек Атазов Кемпир-Абад иши боюнча сотто айыпталуучуларга жасалган мамиле боюнча …
Жогорку Кеңештин депутаты Шайлоо бек Атазов “Бейөкмөт уюмдар жөнүндө” мыйзамга авторлош болуудан баш тартты. Бул …
Акыркы убакта Жогорку Кеңеште айрым министрлерге катуу сын айтылып, кээ бирлерин кызматтан кетсин деген пикирлер …
