Азербайжан Тоолуу Карабактагы куралдуу кагылышуу учурунда каза болгон аскерлеринин санын жарыялады. Азербайжандын Коргоо министрлигинин маалыматы боюнча, 44 күнгө созулган согуш учурунда бул өлкөнүн 2783 аскери жана офицери набыт болгон.
Министрлик акыркы кагылышууну «Ата Мекендик согуш» деп сыпаттап, 103 аскердин сөөгү ДНК-анализдин жардамы менен аныкталып жатканын кабарлады. Ошондой эле 100дөн ашык жоокер дайынсыз жоголгону жана 1245 аскер жарадар болгону аныкталды.
Бир күн мурун Армениянын бийлиги кагылышуу учурунда 2718 аскердин сөөгүн медициналык кызматкерлер карап чыкканын, анын ичинде азербайжандыктар болушу мүмкүн экенин билдирген.
Бирок Азербайжан бул сан абдан азайтылып берилди деген позицияда турат. Буга Армениянын саламаттык сактоо министри Арсен Торосян жооп кайтарып, бул акыркы сан эмес экенин, учурда набыт болгондордун сөөгүн издөө иштери жүрүп жатканын кабарлады.
Ал ортодо Азербайжандын президенти Илхам Алиевдин кеңсеси Шуша шаарын алган 8-ноябрды жеңиш күн катары жарыяларын маалымдаган.
Ага чейин 10-ноябрды жеңиш күнү катары белгилөө сунушталган. Бирок бул күн Азербайжандын эң жакын өнөктөшү Түркияда Ататүрктү эскерүү күнүнө дал келгендиктен ал идеядан баш тарткан.
Кыргызстандын Президенти Садыр Жапаров менен Азербайжандын Президенти Ильхам Алиев бүгүн, 25-апрелде, Хыдырлы айылында болочок орто …
Президент Садыр Жапаров бүгүн, 24-апрелде, мамлекеттик сапар менен Азербайжанга жөнөп кетти. 24-25-апрелде боло турган сапардын …
Президент Садыр Жапаров 24-25-апрелде мамлекеттик сапар менен Азербайжан Республикасына барат. Бул тууралуу президенттин администрациянын тышкы …
Баткен районунда 16 жаштагы кыз бычак жеп каза болду. Маалыматты Баткен ОИИБдин басма сөз кызматы …
Президент Садыр Жапаров Азербайжанга мамлекеттик визит менен барат. Бул тууралуу Кыргызстандын тышкы иштер министри Жээнбек …
3 баланын энеси, 33 жаштагы келин мурдагы күйөөсүнүн колунан каза тапты. Бул тууралуу «Балдар укугун …
