Бүгүн, 21-июнь күнү Москвадан Бишкекке 421 кыргызстандык жаран кайтарылды. Бул тууралуу Тышкы иштер министрлигинен билдиришти.
Маалыматка ылайык, мекендештер «Аэрофлот» авиакомпаниясынын учагы менен учуп келген. Анын ичинде кийинекей балдар бар.
» Мекенине кайтууну каалаган жарандардын саны көп болгондуктан, келе турган жарандардын тизмеси Москвадагы кыргыз медициналык клиникаларынын дарыгерлеринен, кыргыз диаспорасынын, Кыргызстандын Россиядагы элчилигинин өкүлдөрүнөн турган комиссия тарабынан түзүлгөн»,-деп айтылат маалыматта.
Тандоо жарандардын кайрылууларынын, анын ичинде кош бойлуу жана кичинекей балдары бар аялдардын, оор илдети бар адамдардын кайрылууларынын негизинде жүргүзүлгөн.
Учуп келген жарандардын баары тиешелүү түрдө обсервацияга жаткырылат.