Кыргыз Республикасынын Башкы прокуратурасы Бишкек шаары боюнча УКМКнын Ленин райондук бөлүмүнүн башчысынын иш бөлмөсүндө жүргүзүлгөн тинтүүнү мыйзамсыз деп таанылгандыгы боюнча интернет желесиндеги маалымат тууралуу төмөнкүлөрдү билдирет:
Кыргыз Республикасынын Аскер прокуратурасы тарабынан мыйзамсыз баюу жана Бишкек шаарындагы кымбат баалуу жер тилкелерин колдонууга берүүдөгү коррупциялык фактылар боюнча тергелип жаткан өндүрүш ишинин алкагында кылмыш жасоодо колдонулган иш-кагаздардын жана буюмдардын жоготулуп кетишине реалдуу кооптонуу болгондуктан, тергөө тобунун жетекчисинин 2021-жылдын 31-мартында токтомунун негизинде Бишкек шаары боюнча УКМКнын Ленин райондук бөлүмүнүн башчысы А.Ж.нын жумуш ордуна токтоосуз тинтүү жүргүзүлгөн.
Тинтүү Кыргыз Республикасынын Жазык-процессуалдык кодексинин талаптарын толук сактоо менен өткөрүлгөн. Тинтүүнүн жыйынтыгы белгиленген тартипте бул тергөө аракетин мыйзамдуу жана негиздүү деп таап берүү жөнүндөгү өтүнүч менен Биринчи Май райондук сотуна билдирүү берилген.
Бирок, Бишкек шаардык Биринчи Май райондук сотунун тергөө судьясы А.Боромбаев өзүнүн ишке карата кызыкчылыгын көрсөтүп, анын иниси дагы УКМКнын кызматкери болгондуктан өтүнүчтү субъективдүү көз караш менен бир тараптуу караган.
Анын жыйынтыгында, сот А.Боромбаевдин 2021-жылдын 2-апрелиндеги токтому менен жүргүзүлгөн тинтүү аракеттери ойлонулуп чыгарылган мотивдерге таянылып, тинтүү протоколундагы техникалык жана майда катачылыктарга шилтеме жасоо менен жүргүзүлгөн тергөө аракети мыйзамсыз жана негизсиз деп табылган.
Тилекке каршы, Кыргыз Республикасынын Жазык-процессуалдык кодексиндеги мүчүлүштүктөргө байланыштуу жогорку турган соттук инстанцияга тергөө судьясы А.Боромбаевдин субъективдүү жана негизсиз чечимин даттанууга мүмкүн эмес.
Аны менен катар Кыргыз Республикасынын Башкы прокуратурасы тарабынан жогорудагы фактыга мыйзам талаптарына ылайык баа берүү маселеси каралууда.
Адам органдарын мыйзамсыз сатуу менен алектенген трансулуттук топтун ишмердүүлүгүнө бөгөт коюлду. Бул тууралуу УКМКнын басма …
Башкы прокуратура Бишкектеги Ататүрк паркы боюнча кабыл алынган чечимдердин мыйзамдуулугун карап чыгат. Бул тууралуу баш …
Бишкек шаарынын Ленин райондук ИИБнин иликтөө кызматынын тергөөчүсү пара талап кылуу фактысы менен кармалды. Бул …
Борбор калаанын вице-мэри Максатбек Сазыкулов мыйзамсыз курулган коммерциялык объектилерди калкалаганы үчүн кармалды. Бул тууралуу УКМК …
Сокулук районундагы мунапыстагы жер тилкелерин мыйзамсыз сатуу менен алектенген “Жер мафиясынын” мүчөсү кармалды. Бул тууралуу …
Улуттук коопсуздук мамлекеттик комитети Кыргызстанда синтетикалык баңгизаттарды таратуу фактылары көбөйгөнүн маалымдады. Азыркы учурда, комитет бүткүл …
