17-октябрда Бишкек шаардык соту акын жана ырчы Аскат Жетигенди үч жылга абакка кескен Свердлов райондук сотунун өкүмүн күчүндө калтырды.
Аскат Жетиген сотто “элди массалык башаламандыкка чакырбаганын” айтып актоону өтүнгөн.
Свердлов райондук сотунун судьясы Жолдошбек Сулайманов Аскат Жетигендин иши боюнча 1-июлда чечим чыгарган. Судья аны Кылмыш-жаза кодексинин 327-беренеси (Бийликти басып алууга чакырык жасоо) менен күнөөлүү деп таап, үч жылга эркиндигинен ажыраткан. 278-беренесинин 3-бөлүгү (Массалык башаламандыктарга чакыруу) боюнча актаган.
Улуттук коопсуздук боюнча мамлекеттик комитет Аскат Жетигенди алгач 16-мартта Кочкор районунан кармап, Бишкек шаарына алып келген. 18-мартта Бишкектин Биринчи май райондук соту аны эч жакка чыкпоо тилкаты менен бошоткон.
20-мартта УКМК Аскат Жетигенге дагы бир иш козгогон. Ушул эле күнү Биринчи май райондук соту аны Бишкектеги №1 тергөө абагына камакка алган.
Аскат Жетигенге эки кылмыш иши ачылган: биринчиси — 2021-жылы март айында жасалган видео кайрылууга байланыштуу Кылмыш-жаза кодексинин 327-беренеси (Бийликти басып алууга чакырык жасоо) менен, экинчиси — быйыл 15-мартта жасаган видео кайрылуудан кийин 278-беренесинин 3-бөлүгү (Массалык башаламандыктарга чакыруу) менен козголгон.
№27 түрмөдө жазасын өтөп жаткан жарандык активист, ырчы Аскат Жетиген абак кызматкеринин кыйноосуна кабылганын билдирүүдө. …
Бүгүн, 18-мартта Жогорку сотто жарандык активист, ырчы Аскат Жетигендин адвокаттарынын кассациялык арызы каралып, ал камакта …
13-март күнү Жогорку сотто жарандык активист, ырчы Аскат Жетигендин адвокаттарынын кассациялык арызы каралды. Соттук отурумга …
Бишкек шаардык соту Даниел Ажиевге карата өкүм чыгарды. Бул тууралуу шаардык соттон билдиришти. Бүгүн, 9-октябрда …
3-октябрда акын жана активист Аскат Жетигендин апелляциялык арызын кароо боюнча Бишкек шаардык сотундагы отурум судья …
19-сентябрда Бишкек шаардык сотунда акын жана ырчы Аскат Жетигендин соттук отуруму уланды. Соттун жүрүшүндө эксперттер …
