Бишкекте курулуп жаткан көп кабаттуу имараттан секирип кеткен 22 жаштагы жаран көз жумду. Бул тууралуу Саламаттык сактоо министрлигинин басма сөз кызматы билдирди.
Маалымат боюнча, 8-кабаттан секирип кеткен жигит ооруканага жетпей көз жумган.
Эске салсак, окуя бүгүн Байтик-Баатыр жана Сүйөркулов көчөлөрүнүн кесилишинде болгон.
Куткаруучулар саат 12:00дөн баштап өз өмүрүн кыюуга аракет кылган жигитти түшүрүү аракетин кылышкан, бирок натыйжа болгон эмес, ал саат 17:00гө секирип кеткен. Аны тез жардам кызматынын дарыгерлери жана куткаруучулар алып кетишкен.