Бишкекте дайынсыз болуп жаткан 13 жаштагы Мырзайым Каниметова аман-эсен табылды. Бул тууралуу Govovri.TVга анын жакындары билдирди.
Туугандары 13 жаштагы кыз бул аралыкта каякта жүргөндүгү тууралуу маалымат берген жок.
«Каниметова 15 мүнөт мурда табылды. Абалы жакшы, баары жайында»,-деп билдиришти жакындары.
Эске салсак, Мырзайым 14-ноябрь күнү түштөн кийин үйдөн чыгып кеткен. Акыркы жолу саат 19:00дө телефон аркылуу байланышып, үйдөн алыс эмес экендигин билдирип, жакын арада келе турганын айткан. Андан кийин байланыш үзүлгөн.