Бишкекте кардар оюн-зоок борборунун кызматкерине кол көтөрдү. Окуянын видеосу социалдык тармактарга жарыяланды.
Маалыматка карганда, окуя 2-август күнү «Технопарктын» имаратында жайгашкан SMagic оюн китепканасында болгон. Анда баласын ойнотуу үчүн келген кардар кассир кыздын орус тилинде кызмат көрсөтүп жатканына нааразы болуп, кол көтөргөн.
Кызматкер милицияга арыз жазган. Октябрь РИИБдин кызматкерлери аталган жаранга «Майда бейбаштык» беренеси боюнча иш козгогон.