Бишкек. 11. 06. 2018. Govori.TV
15-июндан тартып Бишкек-Балыкчы каттамындагы поезд жүрө баштайт. Бул тууралуу «Кыргыз темир жолу» ишканасы кабарлады.
Маалыматка караганда, 15-июндан 29-июлга чейин поезд жума жана дем алыш күндөрү жүрсө, 30-июлдан 10-сентябра чейин күн сайын каттайт.
Билет баасы, чоңдор үчүн 69 сом, ал эми балдарга (5-10 жаш) 34 сом.
№ 608 «Бишкек I-Балыкчы» жана № 609 «Балыкчы-Бишкек I» поезд каттамы 15-июндан 29-июлга чейин жума, ишемби, жекшемби күндөрү каттайт. Ал эми 30-июлдан тартып 10-сентябрга чейин күн сайын каттай баштайт.