Бүгүн, 13-майда ЖКнын Социалдык саясат боюнча комитетинин жыйынында депутаттар тарабынан үй-бүлөлүк зомбулук боюнча маселе көтөрүлүп, буга чейин өгөй атасы тарабынан сабалган кыз тууралуу маалымат суралды.
Ички иштер министринин орун басары Эркебек Аширхожаев бул тууралу маалымат берип жатып, Чүйдө 3 жаштагы өгөй кызын сабап жүргөн деп кармалган жаран буга чейин анын бутун сындырганы аныкталганын айтты.
«Анда алар кызды ооруканага алып барып жаткырышкан. Бирок дарыгерлерден кыздын бутун ким сындырганын жашырып, «кулап түшүп бутун сындырды» деп коюшкан. Учурда ага 5 берене боюнча айып тагылууда. Азыр тергөө жүрүп жатат, анын жыйынтыгы менен кошумча маалымат берилет», — деди ал.
Ал эми Саламаттык сактоо министринин биринчи орун басары Медер Исмаиловдун айтымында, кыз ооруканага түшкөндө мээси чайкалып, оң кабыргасынын үчөө сынган. Ошондой эле денесинде көгала тактар болгон.
Эскерте кетсек, 29-апрелде Чүйдө катуу сабалган 3 жашар кыз (2021-жылы туулган) ооруканага түшкөн. Бул окуяга байланыштуу кызды сабап жүргөн деп шектелип 28 жаштагы М.Р. аттуу өгөй атасы кармалган. Ага «кыйноо» беренеси менен кылмыш иши козголгон. Коомчулукка бул окуя жөнүндө 4-майда белгилүү болгон.
Чүйдөгү «Гавайи» эс алуу жайынын аймагындагы массалык мушташка байланыштуу 11 адам кармалып, убактылуу кармоочу жайга …
22-июнда, күндүз Бишкек шаарындагы мамлекеттик объекттерге бомба коюлганы тууралуу 15тей билдирүү келип түшкөн. Бишкек милициясы …
17-июнда Бишкектеги микроавтобуста жаран көйнөкчөн кызды телефонго тартууга аркет кылган. Интернетте тараган видеодо маршруткалардын биринде …
Президент Садыр Жапаров ички иштер органдарынын бир катар кызматкерлерин мамлекеттик сыйлыктар менен сыйлоо жөнүндө жарлыкка …
Баткен районунда каза болгон жубайлардын өлүмү боюнча кылмыш иши козголду. Бул тууралуу облустук милициядан билдиришти. …
