Чүй ОИИББдин ыкчам кызматкерлери баңгизатты мыйзамсыз жүгүрткөн чет өлкөлүк топту кармашты. Бул тууралуу Чүй ОИИББдин басма сөз кызматы кабарады.
Маалыматта айтылгандай, 7-февралда Ысык-Ата РИИБне арыз менен Кант шаарында жашаган Пакистан Ислам Республикасынын жараны 1998-жылы туулган С.З. кайрылып, 2023-жылдын 1-2-февраль күндөрү үйүнүн эшигин бузуп кирип, жашыруун түрдө 10 000 АКШ долларын, 2 даана MacBook жана “iPhone 14 Pro” үлгүсүндөгү жаңы уюлдук телефонун уурдап кеткен белгисиз адамдарга карата чара көрүүнү суранган.
Аталган факт Ысык-Ата РИИБне катталып, Кыргыз Республикасынын Кылмыш-жаза кодексинин 205-беренесинин (уурдоо) негизинде кылмыш иши козголгон.
«Чүй ОИИББдин жана Ысык-Ата РИИБнын кызматкерлери тарабынан жүргүзүлгөн ыкчам-иликтөө иш-чараларынын негизинде кылмыш ишине шектүү катары Пакистан Ислам Республикасынын жарандары 2002-жылы туулган М.Х., 1999-жылы туулган М.Г., 1999-жылы туулган А.М. аныкталып, алар сурак учурунда Пакистан Ислам Республикасынын жараны С.З. үйүнөн баңгизатын уурдагандыгын, башка эч нерсе албагандарын билдиришкен. 9-февралда аталган кылмыш ишинин материалдары өзүнчө өндүрүшкө бөлүнүп, Кыргыз Республикасынын Кылмыш-жаза кодексинин 286-беренесинин (Баңгизат каражаттарын же психотроптук заттарды уурдоо же болбосо опузалап алып коюу) негизинде кылмыш иши козголгон.
Бул кылмыш ишинин алкагында Чүй ОИИББдин жана Ысык-Ата РИИБнын тергөөчүлөрү, ыкчам кызматкерлери тарабынан кармалган Пакистан Республикасынын жарандары 2002-жылы туулган М.Х., 1999-жылы туулган М.Г., 1999-жылы туулган А.М. үйлөрүндө тинтүү иштери жүргүзүлүп, алардан өлчөмү 1504 граммды түзгөн “Гашиш-афган чарсы” баңгизаты табылып алынган.
Тергөө иштеринин жүрүшүндө, арыз ээси С.З. Пакистан Ислам Республикасынан алып келинген баңгизатты Кыргыз Республикасында жашаган мекендештерине узак убакыттан бери сатуу менен алектенгени аныкталган», — деп жазылат билдирүүдө.
Кошумчалангандай, материалдар кылмыш ишинен өзүнчө өндүрүшкө бөлүнүп, Кыргыз Республикасынын Кылмыш-жаза кодексинин 282-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) негизинде кылмыш иши козголгон.
Аталган кылмыш ишинин алкагында, жаран С.З. үйүндө тинтүү жүргүзүлүп, андан 55 грамм салмактагы баңгизаты (гашиш) табылып алынган. Пакистан Ислам Республикасынын жарандары 2002-жылы туулган М.Х., 1999-жылы туулган М.Г., 1999-жылы туулган А.М. жана 1998-жылы туулган С.З. Кыргыз Республикасынын Кылмыш-жаза процессуалдык кодексинин 96-беренесине ылайык кармалышып, убактылуу кармоочу жайга киргизилишкен.
2023-жылдын 10-февралында кылмышка шектүүлөргө айыбы угузулуп, Ысык-Ата райондук сотуна Бишкек шаарынын №1 тергөө абагына 2 айлык мөөнөткө камакка алуу түрүндөгү баш коргоо чарасын тандоо өтүнүчү келтирилип, ал канааттандырылган.
Тергөө иштери уланууда.
Баңгизаттарды мыйзамсыз алып өтүү боюнча туруктуу канал уюштурган трансулуттук кылмыштуу топтун ишмердүүлүгү токтотулду. Бул тууралуу …
“Telegram”мессенджери аркылуу синтетикалык баңги заттарды сатууга көмөктөшкөн криптовалютанын ээлери кармалды. Бул тууралуу УКМКдан кабарлашты. Маалыматка …
Бишкекте баңгизат сатып жүргөн жаран кармалды. Бул тууралуу Бишкек шаардык ички иштер башкы башкармалыгынан билдиришти. …
Ош шаарында мугалим баңгизат сатууга шектелип кармалды. Бул тууралуу Ички иштер министрлигинен билдиришти. Маалыматка ылайык, …
Жазаларды аткаруу кызматынын түзөтүү мекемесине баңгизатын жашыруун алып өтүү аракетине бөгөт коюлду. Ведомстводон белгилешкендей, ЖАК …
Ысык-Көл районунда жергиликтүү тургундун үйүнөн 11 кг баңгизат табылды. Бул тууралуу облустук милициядан билдиришти. Маалыматка …
