Улуу Британиянын ханышасы Елизавета II Кыргызстандын элчиси Эдил Байсалов менен жолугушту. Бул тууралуу королдук сарайдын расмий маалыматында айтылды.
Жолугушуу 19-ноябрда Букингем сарайында болгон.
Коомдук ишмер Эдил Байсалов Кыргызстандын Улуу Британия менен Түндүк Ирландиядагы толук жана ыйгарым укуктуу элчиси болуп 11-июнда дайындалган. Буга чейин Улуу Британияда элчилик кызматты Гүлнара Исакова аркалап келген.
Кыргызстан менен Улуу Британиянын ортосунда дипломатиялык мамилелер 1992-жылдын 12-июнда түзүлгөн.