Шейшемби, 1-мартта Европарламент көпчүлүк добуш менен Украинанын Европа Биримдигине кирүү арызын карап, ага талапкер өлкө макамын берүүгө чакырган резолюцияны кабыл алды. Документте керектүү жол-жоболордун баары аткарылышы керек экени белгиленген.
Мурдараак Украина бийлиги Евробиримдикке тездетилген процедура менен кабыл алуу жөнүндө арыз жазган.
Резолюцияда Орусиянын Украинага каршы чабуулу айыпталып, беларус жетекчиси Александр Лукашенконун агрессиядагы ролу белгиленген. Документте Украинага гуманитардык жардам берүү жана качкындарга кам көрүү чакырыгы камтылган.
Резолюцияда Орусиядан мунай жана газ экспорттоону чектөө, Орусияга жаңы инвестиция салууга тыюу салуу, Орусияны толугу менен SWIFT системасынан өчүрүү сунуштары бар. Орусия жана Беларустун “жогорку кызматтагы коррупционерлерине” каршы санкция салуу да колдоо тапты.
Депутаттар видеобайланышка чыккан Украина президенти Владимир Зеленскийди кол чабуулар менен кубатташты. Зеленский өз билдирүүсүндө украиналыктар орусиялык агрессияга каршы туруп, миңдеген курмандыктардын баасы менен гана Евробиримдиктеги өлкөлөрдү Украинаны колдоо үчүн бириктирүүгө араң көңүл бурдурганын айтты.
Эреже боюнча ЕБга кирүү жөнүндө сүйлөшүүлөр узак убактытка, айрым учурда 10 жылдан ашык созулат. Бир катар өлкөлөр Украинаны ЕБга тезинен киргизүүнү кубатташты, бирок европалык лидердер ыктымал мөөнтөт жөнүндө кеп кылуудан карманып турушат.
Министрлер кабинетинин төрагасы Акылбек Жапаров “Кыргызстан – Европа Биримдиги” парламенттер аралык комитетинин теңтөрагасы, депутат Томас …
Киевдин Шевченков райондук соту 2-сентябрдын кечинде украин миллиардери Игорь Коломойскийди эки айга камоо чечимин чыгарды. …
Эл аралык украин-өзбек достук коомунун төрагасы Любомир Башинский Өзбекстандагы бейөкмөт уюмдар жана бизнес өкүлдөр чогулткан …
Украинадагы кырдаалдан улам Батыш өлкөлөрүнүн санкциясына кабылган орусиялык олигарх Алишер Усманов аны Владимир Путиндин жакын …
13-июлда Страсбургда жайгашкан Европарламенттин жыйынында Кыргызстандагы адам укуктарынын абалына, сөз эркиндигине жана маалымат каражаттарына болгон …
Түркиянын президенти Режеп Тайып Эрдоган Орусия менен Украинанын президенттери менен телефон аркылуу сүйлөшүп, Кахов ГЭСинин …
