UFC уюмунун чемпиону Хабиб Нурмагомедов Кыргызстанга 3-август күнү келет. Бул тууралуу мушкер өзү социалдык тармактагы баракчасына жазды.
Маалыматка караганда, Хабиб Нурмагомедов Кыргызстанга «Eagle Fighting Promotions» лигасын өткөргөнү келет жана ал Ысык-Көлдө өтөрү кабарланды.
«Кыргызстан жакында көрүшөбүз», — деп жазды мушкер.
Эске салсак, Нурмагомедов Кыргыз өлкөсүнө 2018-жылдын январь айында атасы Абдулманап Нурмагомедов менен чогуу келип кеткен. Бишкекте өткөн жолугушуудан кийин ал Кыргыз эли менен Дагестан элинин окшоштугу — мырзалардын балбандыгында экендигин жана өзүнүн Кыргыз жеринде ушунчалык атактуу экенине таң калганын билдирген.