Массалык башаламандыктарга чакырык жасоого шектелген жаран кармалды. Бул тууралуу ИИМдин басма сөз кызматы тараткан маалыматта айтылат.
Маалым болгондой, Ички иштер министрлигинин Тергөө кызматы тарабынан Кыргыз Республикасынын Кылмыш-жаза кодексинин 278-беренеси (Массалык баш аламандыктар) боюнча кылмыш иши тергелүүдө. Тергөө иштеринин алкагында Бишкек шаарынын аймагында айрым жарандар жыйындарды уюштуруп, жүргүзүлүп жаткан мамлекеттик саясатка макул эместигин билдирип, үгүт иштерин жүргүзүү аркылуу массалык баш аламандыктарга чакырыктарды уюштурууга багытталган аракеттерди жасагандыгы аныкталган.
«1971-жылы туулган Дж.М. аттуу жаран шектүү катары кармалган. Санкцияланган тинтүү иштеринин жүрүшүндө анын жашаган жеринен жана өзүнө таандык «Toyota 4Runner» үлгүсүндөгү унаасынан Дж.Мге таандык документтер, ар кандай үлгүдөгү беш уюлдук телефон, микро-SIM-карта, чет өлкөлүк номерлер, кол жазмалары бар эки күндөлүк, «Ашара Хидаст» деген жазуусу бар 14 беттен турган папка, араб тилиндеги 68 китеп, араб тилиндеги китептер салынган бир куту, ошондой эле «ИНЕ» үлгүсүндөгү эки рация жана тергөө үчүн маанилүү болгон башка буюмдар табылып, алынган. Жүргүзүлгөн тергөө аракеттеринин жыйынтыгында Дж.М. Кыргыз Республикасынын Кылмыш-процессуалдык кодексинин талаптарына ылайык кармалып, Бишкек шаарынын ИИББнын убактылуу кармоочу жайына киргизилген», — деп жазылат билдирүүдө.
Кошумчалангандай, 13-декабрында Бишкек шаарынын Биринчи Май райондук сотунун чечими менен айыпталуучуга карата 2026-жылдын 5-январына чейин камакка алуу түрүндөгү бөгөт коюу чарасы тандалган.
Тергөө иш-чаралары улантылууда.
ИИМ маалымат менен кошо видеотасма да жарыялаган. Анда Жогорку Кеңештин мурдагы депутаты Шайлообек Атазов менен шектүүнүн унаанын ичинде сүйлөшүүсү экени айтылат.
Чүйдөгү «Гавайи» эс алуу жайынын аймагындагы массалык мушташка байланыштуу 11 адам кармалып, убактылуу кармоочу жайга …
Ички иштер министрлиги (ИИМ) Жогорку Кеңештин мурдагы депутаты Дүйшөн Төрөкуловдун кармалышы боюнча комментарий берди. Маалыматта …
Социалдык тармактарга “75чилердин каты” боюнча сурак берип жаткандардын, анын ичинде Камчыбек Ташиевдин видеосунун тарап кетиши …
Судьяларга пара берүү шылтоосу менен алдамчылыкка шектелип жактоочу кармалды. Бул тууралуу УКМК билдирди. Маалыматта айтылгандай, …
УКМК Кара-Балта шаарынын вице-мэри (К.А.У.) менен мэрияга караштуу “Жол курулуш башкармалыгы” муниципалдык ишканасынын директору (Э.М.У.) …
Милициянын маалыматына ылайык, жабырлануучу (И.А.) “Ашар бирикмесинин” жетекчиси “жакынкы аралыкта ага турак жай жана машине …
