Бишкек.26.07.2019.Govori.TV.
Ысык-Көлдөгү Тамчы айылынан Чолпон-Ата шаарына чейинки жолго бүгүн бир саатка убактылуу чектөөлөр коюлат. Бул тууралуу ИИМ маалымдайт.
«Бүгүндөн башка күндөрү жолдо эч кандай чектөөлөр киргизилбей, жолдор ачык болот. 26-28-июль күндөрү Ысык-көл облусуна бара жаткан учурда жолдо эч кандай тоскоолдуктар болбойт. Бирок, жол кыймылынын эрежелерин сактаңыздар», — деп билдирет ИИМдин басма сөз кызматы.
Белгилей кетсек, Сооронбай Жээнбеков менен Эмомали Рахмон Баткенден Чолпон-Ата шаарына келет. Мамлекет башчылары Исфарадагы жолугушуунун жыйынтыгын Чолпон-Атадан чыгарат.