31-октябрда Кыргызстан социал-демократиялык партиясынын саясий кеңеши Иса Өмүркуловду партиядан чыгаруу жөнүндө чечим кабыл алганын партиянын катчылыгы кабарлаган. Бул тууралуу ЖК депутаты Карамушкина, «Өмүркуловду колдогондор кийинки шайлоого КСДП менен барбайт»,- деген оюн айтты.
«Иса Өмүркулов партиядан чыгарылды. Буга саясий кеңештин 9 мүчөсү катышып, чечим чыгарган. Бирок, алардын атын атаган жок. Фракциянын пикири партия үчүн маанилүү эмес. Алар эмне десе дагы Өмүркулов партиядан четтетилди. Эми Өмүркуловду колдогондор кийинки шайлоого КСДП менен барбайт»,- деп билдирди Ирина Карамушкина.