Чүй облусунда каракчылыкка шектелген адамдардын тобу кармалды. Бул тууралуу Чүй ОИИБнин басма сөз кызматы билдирди.
Милицияга инкассатор болуп иштеген А.К. атту жаран арызы менен кайрылган. Арыз ээсинин айтымында, 2025-жылдын 18-октябрында болжол менен саат 04:30 чамасында Петровка айылынын Ак-Суу бурулушунда, газ заправкасынын артында, беткап кийген белгисиз адамдар анын бетине калемпир газын чачып, эки сумкасын тартып алып, белгисиз тарапка качып кеткен.
Бул факты катталып, Кыргыз Республикасынын Кылмыш-жаза кодексинин 207-беренесинин (Каракчылык) белгилери боюнча кылмыш иши козголгон.
Ички иштер органдары жүргүзгөн ыкчам-иликтөө иш-чараларынын жыйынтыгында бул кылмышка шектелген адамдар аныкталып, кармалган. Алар: 1988-жылы туулган С.Т., 1987-жылы туулган И.Н., 2000-жылы туулган У.М., 2002-жылы туулган Д.Ш. атту жарандар болуп чыккан.
Райондук сот алардын ар бири боюнча камакка алуу түрүндөгү бөгөт чарасын тандаган.
Учурда кылмыш иши боюнча тергөө иштери улантылууда.
Чүйдөгү «Гавайи» эс алуу жайынын аймагындагы массалык мушташка байланыштуу 11 адам кармалып, убактылуу кармоочу жайга …
22-июнда, күндүз Бишкек шаарындагы мамлекеттик объекттерге бомба коюлганы тууралуу 15тей билдирүү келип түшкөн. Бишкек милициясы …
17-июнда Бишкектеги микроавтобуста жаран көйнөкчөн кызды телефонго тартууга аркет кылган. Интернетте тараган видеодо маршруткалардын биринде …
Судьяларга пара берүү шылтоосу менен алдамчылыкка шектелип жактоочу кармалды. Бул тууралуу УКМК билдирди. Маалыматта айтылгандай, …
УКМК Кара-Балта шаарынын вице-мэри (К.А.У.) менен мэрияга караштуу “Жол курулуш башкармалыгы” муниципалдык ишканасынын директору (Э.М.У.) …
Милициянын маалыматына ылайык, жабырлануучу (И.А.) “Ашар бирикмесинин” жетекчиси “жакынкы аралыкта ага турак жай жана машине …
