Бишкек.09.01.2019.Govori.TV.
Кыргыз Республикасынын Премьер-министри Мухаммедкалый Абылгазиев кирешелерди администрациялоо жаатында ишкерлерди колдоо маселеси боюнча жумушчу кеңешме өткөрдү.
Өкмөт башчы белгилегендей, мамлекеттик камсыздоо боюнча камсыздандыруу төгүмдөрүн башкаруу функциясын Кыргыз Республикасынын Социалдык фондунан Кыргыз Республикасынын Өкмөтүнө караштуу Мамлекеттик салык кызматына өткөрүү жөнүндө чечим кабыл алынган. Кыргыз Республикасынын Өкмөтүнүн тийиштүү токтомуна кол коюлган, ал 2019-жылдын 15-январында күчүнө кирет.
Премьер-министр акыркы жылдары актуалдуу эсептелип келген аталган маселенин өзгөчө маанилүүлүгүн белгиледи. Мухаммедкалый Абылгазиев белгилегендей, бул чара ишкерлердин отчет тапшыруусунда убактысын бир топ үнөмдөөгө мүмкүндүк берет. Мындан тышкары, салык мыйзамдарын жана мамлекеттик социалдык камсыздандыруу боюнча мыйзамдардын аткарылышын көзөмөлдөө бир мамлекеттик орган тарабынан (МСК) ишке ашырылат.
«Мунун өзү бизнес менен алектенген юридикалык жана физикалык жактардын административдик жүктөмүн кыскартууга, салык, камсыздандыруу төлөмдөрү боюнча отчет берүүдө жана камсыздандыруу полисин алууда убактысын үнөмдөөгө мүмкүндүк берет, анткени, муну бир мамлекеттик орган – Салык кызматы аркылуу ишке ашырса болот. Ошондой эле тийиштүү текшерүүлөрдүн саны азайтылат, себеби, аны салык орган кызматкерлери аткарат», – деди Мухаммедкалый Абылгазиев.
Мамлекеттик салык кызматынын төрагасы Теңизбек Абжапаров билдиргендей, МСК патент жана камсыздандыруу полистеринин формаларын бириктирүү маселеси боюнча иштөөгө, ошондой эле киреше салыгы боюнча отчеттуулуктун жана мамлекеттик социалдык камсыздандыруу боюнча эсептик ведомосттордун бирдиктүү формасын иштеп чыгууга ниеттенүүдө. Ал кошумчалагандай, салык органдарынын ыйгарым укуктарын эске алуу менен мамлекеттик социалдык камсыздандыруу төлөмдөрү менен камсыздоонун жана түшүүлөрдүн көбөйүүсү күтүлүүдө.
Социалдык фонддун төрагасы Медербек Ирсалиев кошумчалагандай, жогоруда көрсөтүлгөн функцияларды өткөрүп берүү процессин жеңилдетүү үчүн 2019-жылдын 1-июлуна чейин МСКнын убактылуу карамагына Кыргыз Республикасынын Социалдык фондунун органдарынын 240 кызматкери жөнөтүлөт.
Өкмөт башчы өзгөчө белгилегендей, жаңы куралдарды киргизүүдөгү бардык механизмдер так жана болушунча натыйжалуу иштелип чыгууга тийиш.
Мындан тышкары Премьер-министр Мухаммедкалый Абылгазиев төлөөчүлөрдүн салык органдарынын кызматкерлери менен түз байланышын азайтуу максатында салык органдарына камсыздандыруу төлөмдөрү боюнча отчетторду электрондук түрдө берүү боюнча сервисти ыкчам тартипте ишке киргизүүнү тапшырды.
Мамлекеттик салык кызматы «салык төлөөчүнүн кабинети» аркылуу онлайн түрдө салыктар жана камсыздандыруу төгүмдөрү боюнча карыздарды …
Мамлекеттик салык кызматы салык төлөөчүлөргө карызы тууралуу билдирүүлөрдү Cabinet.salyk.kg сайтындагы «жеке салык кабинети» аркылуу жибере …
Бүгүн, 25-декабрда «Чек талап кылып, байге утуп ал» лотореяларын ойнотуу башталат. Бул туууралуу Мамлекеттик салык …
Мамлекеттик салык кызматынын Ысык-Көл облусунун Ысык-Көл району боюнча атайын текшерүүлөр бөлүмүнүн башкы инспектору кармалды. Бул …
Мамлекеттик салык кызматы 2023-жылдын январь-июль айларында 135 млрд 728,6 млн сом салык жана камсыздандыруу төгүмдөрүн …
Мамлекеттик салык кызматы 2023-жылдын 5 айынын жыйынтыгы боюнча өлкөнүн мыкты салык төлөөчүлөрүн аныктады. МСКнын басма …
