Бишкек. 11.03.2019. Govori.TV
Ош облусунун Кара-Суу районунда 11-класстын окуучусу асынып каза болду. Бул тууралуу облустук ички иштер башкармалыгынан кабарлашты.
Маалыматка караганда, окуучунун сөөгү үйүнүн короосундагы мал сарайда асынып турган жеринен табылган.
«Баланын ата-энеси Орусияда иштешет, аны чоң атасы тарбиялап жаткан. Соттук-медициналык экспертиза дайындалып, бирок окуучу баланын жакындары денени экспертизага берүүдөн баш тартты», -деп айтылат маалыматта.
Кошумчалай кетсек, Билим берүү жана илим министрлигинин маалыматына караганда, 2018-жылы 88 окуучу өз жанын кыйган.