Бишкектеги карылар үйүнүн мурунку директору Эркингүл Абдылдаеванын Эмгек жана социалдык өнүгүү министри Улукбек Кочкоровду жазык жоопкерчилигине тартуу боюнча берген арызы Кылмыштардын жана жоруктардын бирдиктүү реестрине «Алдамчылык» беренеси боюнча катталды. Бул тууралуу Абдылдаеванын жактоочусу Бактыбек Жумашев Govori.TVга билдирди.
«Эркингүл Абдылдаеваны жумуштан алуу боюнча Кочкоровдун буйругу соттун үч инстанциясынан тең мыйзамсыз деп табылып, жокко чыгарылган. Соттун чечимине ылайык, Абдылдаевага эмгек акысы төлөнүп, ал кайрадан жумуш ордуна алынышы керек эле. Министр Улукбек Кочкоров 5-августта Абдылдаеваны жумушка чакырып, аны 4-августтан баштап жумушка алуу буйругун чыгарган. Кайра жарым күн өтпөй, жумуштан бошотуп койгон. Ошондой эле соттун чечиминдеги иштебей калган күндөрү үчүн эмгек акысы жана башка төлөмдөр төлөнүп берилсин деген бөлүгү аткарылган эмес. Ошол себептен Эркингүл Абдылдаева Биринчи Май райондук ички иштер башкармалыгана кайрылууга мажбур болду. Берилген арыздын негизинде иш бирдиктүү реестрге катталып, териштирүү башталды», — деди жактоочу.
Бул арада Эмгек жана социалдык өнүгүү министри Улукбек Кочкоров ага карата жүрүп жаткан сотко чейинки өндүрүш иши боюнча жооп берди.
Министрдин айтымында, Эркингүл Абдылдаеванын үстүнөн бир нече жолу арыз түшкөн.
«Эркингүл Абдылдаеванын үстүнөн бир нече жолу аталган карылар үйүнүн башка кызматкерлери арыз жазган.Ал кызмат ордунда иштеп турганда мыйзамсыз иштерди жүргүзгөн. Фактылар аныкталгандан кийин ээлеген кызматынан бошотулган», — деди министр.
Бишкектеги социалдык стационардык мекеменин (карылар үйү) мурунку директору Эркингүл Абдылдаева Эмгек жана социалдык өнүгүү министри Улугбек Кочкоровду 2019-жылдын ноябрь айында сотко берген. Буга анын 2019-жылдын 31-октябрында жумуштан мыйзамсыз бошотолушу негиз болгон.
Жолчулар түнү менен селдин кесепетин жоюу иштерин аткарышты. Бул тууралуу Транспорт жана коммуникациялар министри билдирди. …
Жогорку Кеңештин депутаты Мирлан Самыйкожо бүгүнкү жыйында бардык министрлерге сөз берүүнү талап кылды. Белгилей кетсек, …
Эл аралык донорлор Кыргызстанга 12 жылдык билим берүү системасын таңуулап жатат деген маалыматтарды Билим берүү …
Саламаттык сактоо министри Алымкадыр Бейшеналиев депутат Жусупбек Коргонбай уулунун билдирүүсү боюнча жооп берди. “Мен “карамынбы …
Жыйында депутат Айгүл Айдарова сүйлөйүн деп жатканда маданият министри Алтынбек Максутов ордунан туруп кеткен. Вице-спикер …
Өзгөчө кырдаалдар министри Бообек Ажикеев Аламүдүн капчыгайындагы дайынсыз жоголгон жаранды издөө ишинин жүрүшүнөн жеринен кабар алды. Бул …
