Киши колдуу болгон «Дөө Чыңгыз» каймана аты менен белгилүү кримтөбөл Чыңгыз Жумагуловдун абакта машыгып жаткан видеосу социалдык тармактарга тарады. Бул тууралуу «Репортёр» сайты жазды.
Ал видеодо көрүнүп тургандай, Чыңгыз Жумагулов боксердук мээлей менен машыгып жатат. Видео кайсы маалда тартылганы белгисиз.
Эскерте кетсек, былтыр 30-июль күнү Бишкектеги СИЗО-1 камералардын биринен Чыңгыз Жумагуловдун жансыз денеси табылган. Жаза аткаруу мамлекеттик кызматы аталган фактыны тастыктаган.
«Алдын ала маалыматтар боюнча, ал жеке кастык мамиленин негизинде камералашы тарабынан өлтүрүлгөн. Кылмышкер буга чейин бул фактыны моюнуна алган. Окуянын бардык жагдайлары учурда тиешелүү тергөө органдары тарабынан иликтенип жатат», — деп билдирген ЖАК.
Андан мурда Чыңгыз Жумагулов кылмыштуу топту уюштуруу, ошондой эле жеке ишкердик менен алектенген адамдардан системалуу түрдө ири өлчөмдө акча талап кылуу фактысы боюнча УКМК тарабынан кармалган.
Кийинчерээк анын өлүмү боюнча беш адамга айып тагылып, алар Бишкектеги №1 убактылуу тергөө абагына киргизилген. Камалгандардын ишине Кылмыш-жаза кодексинин «Адам өлтүрүү» беренеси менен айып тагылып, ага «Өзгөчө мыкаачылык» менен «Топтошуп, алдын ала сүйлөшүп алуу» деген 7, 16-пунктулары кошулган.
28-мартта өлкө аймагында катуу шамал болуп, материалык чыгымдар жана жабыркагандар болгон. Ал эми социалдык тармактын …
Чүйдө куралчандардын катышуусунда атышуу болгондугун соцтармактын колдонуучулары маалымдап, видео менен бөлүшүштү. Видеодон куралчан, аскер формасындагы …
ЖКда экинчи окууда каралып жаткан “Коммерциялык эмес уюмдар жөнүндө” мыйзам долбооруна эл өкүлдөрү жыйында жок …
Бишкекте №226 автобуста контролерго кол салуу болгон. Мэриянын басма сөз кызматынын маалыматы боюнча, жүргүнчү башка …
Социалдык тармакта таралып жаткан видео боюнча тиешелүү чаралар көрүлөт. Бул тууралуу Ош ОИИБдин басма сөз …
Жогорку Кеңештин депутаты Камила Талиева соцтармактагы баракчасы аркылуу Баткен облусунуну айылдарынын азыркы абалы тууралуу маалымат …
