Бишкек. 06.03.2018. Govori.TV
Коопсуздук кеңешинин катчысынын орун басары Марат Төрөбеков кызматынан бошотулду. Бул буйрукка президент Сооронбай Жээнбеков бүгүн кол койду.
Президентинин аппаратынын маалыматтык саясат бөлүмүнүн билдиргени боюнча, Марат Төрөбеков өз арызы менен кызматынан кеткен.
2017- жылдын 18-декабрында президент Сооронбай Жээнбековдун жарлыгы менен Коопсуздук кеңешинин катчысы Алмазбек Курманалиев кызматтан алынган. Андан бери бул кызматка эч ким дайындала элек.